Ахмад багш, профессор Д.Содном нь манай байгаль орчны салбарын ирээдүйн мэргэжилтэн бэлтгэн гаргахад хувь нэмрийг оруулж байгаа манай тэргүүний зөвлөх багш, сурган хүмүүжүүлэгч юм. 

1952 онд Улаанбаатар хотын 1-р дунд сургууль, 1967 онд МУИС-ийн Химич-химийн багш мэргэжлээр төгссөн. Ахмад багш, профессор, орос  хэлтэй.

1967-1975 онд Усны хүрээлэнд мэргэжилтнээр, 1976-1987 онд Байгаль орчны яаманд судлаач, мэргэжилтнээр тус тус ажиллаж байгаад гавъяаныхаа амралтанд гарсан.1988-1999 онд Политехникийн дээд сургуульд химийн багшаар, 2000 оноос одоог хүртэл “ЭКО-АЗИ” Байгаль орчин, менежментийн дээд сургуульд зөвлөх багшаар нийт боловсролын салбарт 22 жил тасралтгүй ажиллаж байна. 

Ажлын арвин туршлага, өндөр бүтээлээрээ 1980 онд “VI таван жилийн гавшгайч” цол тэмдэг, “Ардын хувьсгалын 80 жил”-ийн ойн медаль, 1985 онд Байгаль орчны яамны “Хүндэт жуух бичиг”, 1999 онд Байгаль орчны яамны “Байгаль орчны тэргүүний ажилтан” цол, тэмдэг, 2001 онд МУ-ын Алтан гадас одон, 2003 онд “Эко-Ази” Байгаль орчин, менежментийн дээд сургуулийн “Хүндэт профессор”, 2008 онд “Багшийн гавъяа” одон зэрэг шагналаар шагнагдаж  байсан.

2021-05-29 00:00:00